Video
Read full review
2017-07-18
4448 views
為慶祝暑假嘅來臨，今日帶兩位朋友仔四圍食。話說之前喺TATE Dining Room & Bar已經見識過女大廚Vicky Lau啲作品有幾咁美輪美奐，佢近排開咗間主打法式蛋糕嘅餅店，每6個月就會換吓環境及蛋糕嘅主題，啱嘅，女人最鍾意有驚喜㗎嘛。食完正餐當然要食下午茶，於是揀咗呢間新開嘅蛋糕店同佢哋試吓去到嗰度，原來就係TATE嘅樓下，開門入去，原來得幾張矮凳及一張好細好細嘅檯仔，主要做外賣。其實樓上咁多座位，應該開埋俾客人食吖，而家咁樣多啲人已經無得坐了，難度真係要企喺度食嗎？喺收銀處旁邊有好多細細件嘅蛋糕放咗喺仿點心籠入面，仲有幾款大大個嘅蛋糕，好似山水畫咁靚。想落單的話，旁邊有幾張類似點心紙嘅order form，打開筆蓋，竟然係一支毛筆！一件蛋糕$35，任揀8款$250，唔洗覺得叫8件會食唔晒，因為當你睇過佢嘅size之後，就一定食得晒！另外仲有可供4-6人share嘅蛋糕，每個$450、供6-10人share嘅蛋糕每個$750。除咗甜點之外，呢度仲有支裝水、cold brew茶及咖啡，及Pink guava mocktail我哋揀咗以下嘅蛋糕，而老實講，亦都好難每款形容...
去到嗰度，原來就係TATE嘅樓下，開門入去，原來得幾張矮凳及一張好細好細嘅檯仔，主要做外賣。其實樓上咁多座位，應該開埋俾客人食吖，而家咁樣多啲人已經無得坐了，難度真係要企喺度食嗎？
喺收銀處旁邊有好多細細件嘅蛋糕放咗喺仿點心籠入面，仲有幾款大大個嘅蛋糕，好似山水畫咁靚。想落單的話，旁邊有幾張類似點心紙嘅order form，打開筆蓋，竟然係一支毛筆！一件蛋糕$35，任揀8款$250，唔洗覺得叫8件會食唔晒，因為當你睇過佢嘅size之後，就一定食得晒！另外仲有可供4-6人share嘅蛋糕，每個$450、供6-10人share嘅蛋糕每個$750。除咗甜點之外，呢度仲有支裝水、cold brew茶及咖啡，及Pink guava mocktail
我哋揀咗以下嘅蛋糕，而老實講，亦都好難每款形容...
Honey：菊花mousse堆砌成好似金字塔咁，唔算甜，不過菊花味唔濃，餅底好脆好味
Green tea Kumquat：呢個好特別，一邊係綠茶cream，另一邊係柑桔mousse，上層係朱古力片，徘徊在似酸又甜之間
Miso Yuzu：呢個係柚子撻，入面係麵豉custard，加上柚子cream，柚子味偏重
Milk Chocolate Red Date：老實說呢個我只係食到朱古力味
Dragon well & Longyan：眼淚形嘅朱古力外殼，入面係龍眼朱古力醬，老實說又係得朱古力味
Iron Buddha Tea：鐵觀音及白朱古力mousse，茶味唔係特別香濃，又係朱古力味重
$250
262 views
0 likes
0 comments
Iron Buddha Tea
178 views
0 likes
0 comments
Green tea kumquat
136 views
0 likes
0 comments
Milk chocolate red date
108 views
0 likes
0 comments
Miso yuzu
104 views
0 likes
0 comments
Honey
151 views
0 likes
0 comments
Dragon well & Long yan
116 views
0 likes
0 comments
店員拎埋嚟嘅時候，係叫我哋用手食，所以旁邊有預備紙巾。但我哋3個人share，佢哋餅店呢度又冇刀，要上返上面餐廳攞先有，感覺上唔係太貼心，但幸好服務一流及非常有禮貌，加返啲分啦。
整體嚟講，每種都唔算好甜，而且配搭好新穎，理論上應該係非常好味。但可能太細件，如果幾個人share，切到手指甲咁細粒，都唔知自己食咗啲乜。感覺上好似樣樣都係朱古力味最勁，勁到after taste只有朱古力味。試過一次就ok，$35一件實在太細了，一啖食晒完全唔夠喉，應該唔會再嚟食了。奉勸想試嘅朋友，一人一件會好啲，share嚟食真係會唔知自己食咗啲乜㗎
Post
