JB Kitchen (Closed)

抗疫期間唔出街，買外賣支持小店最好，外賣自取有折。今日打咗電話去半個鐘可取，但去到仲要等多15分鐘負，不過服務態度好好。安格斯漢堡好味，安格斯和牛好厚，配一大包薯條，好飽。今次叫咗2個All day breakfast，一個雞扒、一個魚柳。雞扒味道同份量正常，而魚柳就好大塊，唔鍾意食魚嘅我都覺得好食。全部跟大碗用心做的沙律菜(除了一般沙律菜，仲有三色椒粒、提子乾、酸瓜粒、椰菜花)、餐湯、餐飲，份量太多，真係食唔晒。可能因為外賣，有d食物返到屋企已經凍咗。疫情好d，再去堂食，應該好好多。小店，加油！