醬缸韓國料理 (Closed)

星期五晚約同事happy Friday，係灣仔醬缸吃晚飯。事先訂枱，舖頭已經講到明要齊人先可以入座，過半數都唔得，一定要齊人！再者，用餐時間個半鐘，規矩set得咁堅持，想必餐廳一定係好受歡迎。六點半來到，已經有幾枱食緊，環境好優雅，實木枱配上柔和的燈光，令人感到很放鬆。即使你無得坐卡位，但見到啲櫈個樣都似係會坐得舒服的，可以唔使擔心。店員會先送上典型韓式小菜，包括Kimchi、海帶同比較特別嘅冬菇配青椒。Kimchi酸酸地唔係太甜，亦不太辣；海帶同冬菇都幾新鮮，咸咸地三個小前菜輪住食都幾開胃。首先嚟嘅係鐵板牛肉飯。啲牛肉甜甜地好好食，配埋啲洋蔥送飯，會令你忍唔住一啖食完又一啖。第二道嚟嘅係人蔘雞湯。十分足料，有好多雞肉，但無乜人蔘味，啲湯好淡好清，啲肉應該無特別醃過，有少少酥味。壓軸登場係海鮮芝士炒年糕！一見到個賣相已經好吸引，海鮮方面有青口、魷魚、蝦，份量唔算多，啲汁辣辣地但又甜甜地，好好食，啲芝士就幾多，同埋年糕一齊食好邪惡但又真係好好食。食食下舖頭已經愈來愈多人等位，所以店員好準時個半鐘就會請你離開，但整體服務都唔錯，雖然忙，但都會幫你影相。