Video
Read full review
2016-01-14
1423 views
銅鑼灣L.Square成為左我呢期最愛嘅覓食之選，開左好多新餐廳，離地鐵站只係幾分鐘路程，好方便！今日同朋友試呢間日式串燒放題，貪佢可以自己燒俾自己食，新奇又有趣😬 。呢度非繁忙時間都好旺場，我地一早book左位所以唔使等位，大家記得book定位啦。一坐低就俾個爐吸引住！爐上放上岩燒石，加熱可達300度以上，保溫度高，唔會好似韓燒/鐵板/bbq咁易將食材燒焦，亦易於鎖住食材水份。串燒種類頗多，每種豬牛羊雞至海鮮、蔬菜、菇類都有不同選擇，貪心嘅我地每樣都order少少試試！燒之前店員好細心咁解釋個爐、燒嘅方法、次序等，燒嘅時間要留意返每件食材嘅易熟程度、厚度等，燒個時落左粉狀調味料，燒一燒再落醬汁。調味粉有海鹽、黑楜椒同七味粉，而醬汁有玫瑰蜜糖、燒汁同辣汁。我最愛玫瑰蜜糖，好似bbq咁加啲甜更惹味😋。我地兩個都係無海鮮不歡的，所以每人加$88要左個和牛海鮮盛。拼盤上枱個陣我地真係心心眼，有鮑魚、大蝦、海螺、和牛⋯⋯由日本、加拿大等各地直送，保證新鮮！因為海鮮我地真係唔識handle, 店員主動問我地需唔需要代燒，服務貼心！和牛燒到約七成熟，外皮香脆，入面仲好多肉汁，脂肪夠多，正！兩隻大蝦
今日同朋友試呢間日式串燒放題，貪佢可以自己燒俾自己食，新奇又有趣😬 。
呢度非繁忙時間都好旺場，我地一早book左位所以唔使等位，大家記得book定位啦。
一坐低就俾個爐吸引住！爐上放上岩燒石，加熱可達300度以上，保溫度高，唔會好似韓燒/鐵板/bbq咁易將食材燒焦，亦易於鎖住食材水份。
串燒種類頗多，每種豬牛羊雞至海鮮、蔬菜、菇類都有不同選擇，貪心嘅我地每樣都order少少試試！
燒之前店員好細心咁解釋個爐、燒嘅方法、次序等，燒嘅時間要留意返每件食材嘅易熟程度、厚度等，燒個時落左粉狀調味料，燒一燒再落醬汁。調味粉有海鹽、黑楜椒同七味粉，而醬汁有玫瑰蜜糖、燒汁同辣汁。我最愛玫瑰蜜糖，好似bbq咁加啲甜更惹味😋。
我地兩個都係無海鮮不歡的，所以每人加$88要左個和牛海鮮盛。拼盤上枱個陣我地真係心心眼，有鮑魚、大蝦、海螺、和牛⋯⋯由日本、加拿大等各地直送，保證新鮮！因為海鮮我地真係唔識handle, 店員主動問我地需唔需要代燒，服務貼心！和牛燒到約七成熟，外皮香脆，入面仲好多肉汁，脂肪夠多，正！兩隻大蝦好巨型，彈牙兼啖啖肉，肉質鮮甜，爽！加$88真係好抵！
玩加食到飽飽又滿足，買單每人$3百幾，咁嘅質素份量絕對抵食。
再值得一讚嘅係佢嘅抽煙系統唔錯，唔會好大油煙同燒烤味。Post
