Video
Read full review
2017-07-04
2046 views
第一次食嗰陣，打電話黎book枱聽電話嗰個姨姨超有禮貌，把聲又溫柔，已經對間鋪有好好既印象去到原本坐緊張細既枱，但見有人係大枱到埋單就問可唔可以轉過去。雖然間鋪好多人，但啲侍應都好有效率咁幫我地轉過去。嘢食又多選擇，所以食完之後已經盤算好要再黎食事隔一個月，再次黎食上次食左麻辣鍋同咸菜豬肚，今次就試左沙爹(麻辣係黎依到必食的)紙上既係肉同海鮮，海鮮就係幾多個人比幾多份量你。今次三個人，所以蝦啊脆肉鯇一份既數量都係3。我地就少少地一份一份嗌，驚食唔晒，大食既當然可以一次嗌多啲，甚少漏單既情況，寫幾多真係比足幾多係劣質任食邊爐橫行其道之下，唔漏單已經好感恩啦~醬料飲品同其他配料都要出去拎，可以話係任君選擇應有盡有。大路既丸啊餃啊腸仔午餐肉生根響鈴之外，連雞子骨髓同好多認唔出係咩既內藏都有齊。恕我唔係好食依啲內藏既情況下，我真係唔識分。但我見朋友食到津津有味，大讚好食。係依個價錢既任食邊爐又真係好少有咁多選擇既內藏既，所以朋友已經marked實左依家餐廳為定期要食既飯店甜品仲有dreyer's既雪糕，雪條、雪米糍基本都齊既。仲有佢地自家制既甜品，睇落有十幾款，但我同朋友加埋試左10款左右，個
第一次食嗰陣，打電話黎book枱聽電話嗰個姨姨超有禮貌，把聲又溫柔，已經對間鋪有好好既印象去到原本坐緊張細既枱，但見有人係大枱到埋單就問可唔可以轉過去。雖然間鋪好多人，但啲侍應都好有效率咁幫我地轉過去。
嘢食又多選擇，所以食完之後已經盤算好要再黎食
事隔一個月，再次黎食
上次食左麻辣鍋同咸菜豬肚，今次就試左沙爹(麻辣係黎依到必食的)
紙上既係肉同海鮮，海鮮就係幾多個人比幾多份量你。今次三個人，所以蝦啊脆肉鯇一份既數量都係3。我地就少少地一份一份嗌，驚食唔晒，大食既當然可以一次嗌多啲，甚少漏單既情況，寫幾多真係比足幾多係劣質任食邊爐橫行其道之下，唔漏單已經好感恩啦~
醬料飲品同其他配料都要出去拎，可以話係任君選擇應有盡有。大路既丸啊餃啊腸仔午餐肉生根響鈴之外，連雞子骨髓同好多認唔出係咩既內藏都有齊。恕我唔係好食依啲內藏既情況下，我真係唔識分。但我見朋友食到津津有味，大讚好食。係依個價錢既任食邊爐又真係好少有咁多選擇既內藏既，所以朋友已經marked實左依家餐廳為定期要食既飯店
甜品仲有dreyer's既雪糕，雪條、雪米糍基本都齊既。仲有佢地自家制既甜品，睇落有十幾款，但我同朋友加埋試左10款左右，個味道都幾唔好下，所以都係食番有保證既雪糕雪條好了。
今次11點黎，真係好準時1點就叫我地走，但上次9點黎都係坐到1點先叫我地走(但間鋪係收3點，可能1點之後有一邊會收呱)。中間係嘢食同飲品，分開兩邊。同埋雖然走既時候已經一點，但見鋪頭另一邊差唔多坐滿咁濟，就知真係好食
唔使加一，930之後$138，1100之後就$128，真係抵到爛，仲要高質值得一食再食
Post
