拉斐特 (Closed)

聖誕節正日嚟到拉菲特食聖誕大餐，一早預訂好的，所以三百幾蚊一位，仲有得送飲品同一杯紅酒。雖然地方唔係話好浪漫，但係以呢個價錢來講，我覺得真係好抵。本身以為會係好香港式嘅西餐，食落先知道都幾正宗下。牛扒同龍蝦都好好味，仲有配埋一隻鮑魚，樣樣都唔錯。個湯絕對唔係金寶果種，應該真係自己煮。我相信如果同一個質量，仲要係聖誕節正日，喺第二間餐廳一定唔會唔會係呢個價錢。所以如果下年佢仲有呢一個套餐，都應該會嚟食多一次。服務員嘅態度亦都唔錯，上菜都上得好快。