蛇王娟

Open Now

Now Closed

之前同阿爸阿媽去開牛頭角就來朝聖由細食到大，以前喺觀塘小巴站附近，隔離間印尼嘢又係勁好食。成間鋪本身已經有香香的藥材味。佢d蛇羹大大碗，真係好正，多料又有藥材嘅香味，冇味精，每啖都好補。濃郁嘅湯加埋d脆卜卜同醋，就可以食到成身暖哂。雖然時間耐左佢嘅味道有d及唔上當年，可能而家冇新鮮蛇肉要用冰鮮，但依然係好好食。蛇湯又係第二樣超好飲的。藥材味比較重，飲到底會見到粒粒煮到溶嘅材料。食li d 老店，人情味自然濃d，街坊d。坐d櫈仔，摺枱圍埋一齊就ok, 唔洗拘謹。鐘意飲埋蛇酒補下身子。每一隻碗碗碟碟都好似有個故事。老闆娘會過來吹下水，問你食唔食糯米飯丫，新鮮蒸架每次食都彷彿變翻以前仲細嗰陣咁幸福。