Video
Read full review
2020-08-12
220 views
其實有時食到伏嘅黃店，都忍唔住想講一句，黃又好藍又好，作為食店，食物做好環境做好，真係最基本嘅事項。😅餐廳行入去，第一下係好涼好舒服嘅，因為冷氣都好足。然後我地被帶到舖內稍入嘅位置坐低之後，開初都冇乜嘢，後尾就開始覺得冇咁涼，不過頭頂有把大嘅天花風扇，所以都仲有風。去到碗麵黎到，開始食嗰陣，就真係搞唔掂，雖然碗烏冬唔係好熱🤭（係啊，唔係熱辣辣上🙈），但係都越食越熱。再留意下附近頭頂嘅冷氣，可能因為自從限聚令，少咗人幫襯，所以舖內另外比較入嘅另外2部冷氣好似冇開到。然後，再講返食物。我地揀咗「犇犇有禮」烏冬，有牛面頰、牛坑腩同崩沙腩，另外再加炸腐皮墨魚蝦捲。以佢一碗麵索價$79黎講，有期待好正常。但好可惜😅蕃茄湯底，睇得出亦食得出係鮮茄落去煮，但係用純鮮茄煮配合牛骨落去煮，咁佢落嘅蕃茄真係好唔足夠，而啲湯亦都唔覺帶有牛嘅濃郁。去到啲料，除咗牛面頰係嫩滑真係牛面頰應有嘅味道同質感，牛坑腩幾乎可以話係一塊柴，完全咬唔開咁滯。🤦🏽♀️崩沙腩冇咁「鞋」口嘅，但係都完全唔知自己食緊啲咩。炸腐皮墨魚蝦捲就係正常嘅墨魚滑同蝦，一條大概一隻手指粗幼，正常味道正常脆口度。🤷🏽♀️可能碗烏冬俾我地嘅打擊實在
餐廳行入去，第一下係好涼好舒服嘅，因為冷氣都好足。然後我地被帶到舖內稍入嘅位置坐低之後，開初都冇乜嘢，後尾就開始覺得冇咁涼，不過頭頂有把大嘅天花風扇，所以都仲有風。去到碗麵黎到，開始食嗰陣，就真係搞唔掂，雖然碗烏冬唔係好熱🤭（係啊，唔係熱辣辣上🙈），但係都越食越熱。再留意下附近頭頂嘅冷氣，可能因為自從限聚令，少咗人幫襯，所以舖內另外比較入嘅另外2部冷氣好似冇開到。
然後，再講返食物。
我地揀咗「犇犇有禮」烏冬，有牛面頰、牛坑腩同崩沙腩，另外再加炸腐皮墨魚蝦捲。以佢一碗麵索價$79黎講，有期待好正常。但好可惜😅蕃茄湯底，睇得出亦食得出係鮮茄落去煮，但係用純鮮茄煮配合牛骨落去煮，咁佢落嘅蕃茄真係好唔足夠，而啲湯亦都唔覺帶有牛嘅濃郁。去到啲料，除咗牛面頰係嫩滑真係牛面頰應有嘅味道同質感，牛坑腩幾乎可以話係一塊柴，完全咬唔開咁滯。🤦🏽♀️崩沙腩冇咁「鞋」口嘅，但係都完全唔知自己食緊啲咩。
炸腐皮墨魚蝦捲就係正常嘅墨魚滑同蝦，一條大概一隻手指粗幼，正常味道正常脆口度。🤷🏽♀️可能碗烏冬俾我地嘅打擊實在太大，竟然連相都冇影，對自己好失望。
但係，認真講，真係唔會黎食下一次。
Post