Simplylife Bakery Cafe (Closed)

位於德福廣場戲院對面嘅Simplylife，每逢lunch時候，成日都大排長龍。偶爾想黎依度食嘅，通常會盡早趁大軍殺到前到達。今日剛好路過，睇到未有人龍，所以就入黎食個lunch。依度供應簡便嘅西式午餐，一般每日都有沙律、full day breakfast、burger、魚、雞胸／鴨胸、飯等等，一整頁紙唔少嘅選擇，其實都唔簡便架喇。午餐包一份主菜一杯飲品，可以再加一個餐湯。食左幾次，個人喜好主菜通常都會揀雞胸或者full day breakfast，但今日見到有鴨胸，當然就更加吸引，就黎一份。鴨胸嘅份量唔少（比雞胸多），配菜有蔬菜、薯蓉，伴埋黑醋汁。上碟嘅時候鴨胸已經切好左薄片，試一啖，溫度夠，肉質非常的軟嫩多汁，肉有鮮味，皮是酥香，是有水準的。依個價錢，收貨有餘了。雖然餐廳的路線係走簡單風格，但全碟主菜份量足，食曬一定夠飽。一份午餐幾十至近百元不等，再加一也是不出一百蚊鬆Ｄ，是性價比頗高嘅選擇，難怪依度lunch成日都客滿。