丼丼屋 (青衣城1) (Closed)

平時成日都經過丼丼屋，但都無入到去食，今日黎到青衣城，又咁岩想食日本野，又咁岩有佢喎，就一於試下啦！因為唔算好肚餓，所以同友人一人叫左一個井黎食，無叫到佢D SET餐，但如果有興趣食SET餐既話，其實都唔貴，只係+15HKD就有。落ORDER果陣，個店員姐姐都好NICE咁預先提醒我地大概要等15-20分鐘先有野食，所以都有定心理準備。結果真係等左20分鐘左右陸續有野食上黎，眼見其他比我地遲黎既客人叫既野食都一早黎左，我就會不禁產生一個內心小劇場：係咪因為係叫魚生先會咁耐呢?熟食好似快好多WＯ.....但我地叫既野食都唔係好多炸WO!? ANYWAY,帶定頭盔，我有晒心理準備架。我地叫果兩個丼，其實都係常見既，一個係辣三文魚親子牛油果丼另一個係什錦刺身丼。Ｄ刺身魚生都幾新降，辣味三文魚無辣味，但配埋牛油果一齊食就好香口。唯一美中不足係，我覺得飯唔夠好食，唔似係日本珍珠米。不過整體黎講係OＫ，係等食時間長。