Video
Read full review
2021-06-05
1029 views
好想食點心但唔想去酒樓 就open rice search下 第一次食 有驚喜金玉滿堂蘿蔔糕 首先個蘿蔔糕唔會太咸 炸到脆卜卜又熱辣辣 加埋個醬汁好夾 下次會試下鬼緊蘿蔔糕 同蒸蘿蔔糕 因為真係好鍾意食蘿蔔糕之後叫左蒜香炸蝦餃 好多蝦肉 大大粒 加上沙律汁 好特別好夾Xo醬豆苗餃都好好味 皮好滑 蝦肉好爽 同豆苗好夾小籠包都可以 但每次夾都漏湯出黎 唔可以食到完整反而紅油抄手就無特別 辣汁分開上 店主有解釋因為怕客人接受唔到辣所以分開上 我覺得抄手似用滾水煮過既豬肉餃 本身無乜味 點辣汁食 自己都整到 可以下次唔試整體黎講 點心都算新鮮 又唔會等太耐 可以下次再試下其他點心
金玉滿堂蘿蔔糕 首先個蘿蔔糕唔會太咸 炸到脆卜卜又熱辣辣 加埋個醬汁好夾 下次會試下鬼緊蘿蔔糕 同蒸蘿蔔糕 因為真係好鍾意食蘿蔔糕
之後叫左蒜香炸蝦餃 好多蝦肉 大大粒 加上沙律汁 好特別好夾
Xo醬豆苗餃都好好味 皮好滑 蝦肉好爽 同豆苗好夾
小籠包都可以 但每次夾都漏湯出黎 唔可以食到完整
反而紅油抄手就無特別 辣汁分開上 店主有解釋因為怕客人接受唔到辣所以分開上 我覺得抄手似用滾水煮過既豬肉餃 本身無乜味 點辣汁食 自己都整到 可以下次唔試
整體黎講 點心都算新鮮 又唔會等太耐 可以下次再試下其他點心
Post
