利豐園韓國料理

Open Now

Now Closed

今日去女人街行街，見到一間叫利豐園韓國料理，天氣凍凍哋，入去食韓國野都係一種好選擇。我地好早就食晚飯，大約6點鐘就入左去食，所以人唔多，好容易搵位。坐低之後，拎餐牌睇下，就揀左海帶湯同石頭鍋海鮮飯套餐。海帶湯配飯，海帶湯好大碗，有好多海帶，味道適中，唔鹹又唔淡，再配埋飯，好食又好飽。石頭鍋海鲜飯配湯，熱辣辣，好好飲。石頭鍋海鮮飯配上韓國辣醬，好香好好味。石頭鍋夠熱，令到海鮮飯有飯焦，飯焦好脆，對好鍾意食飯焦嘅我，覺得好好食。