鳳城酒家 (Closed)

講真，呢度真係幾貴，茶位$12/人，中點$27， 大點 $32， 仲要加一。不過，質量同份量都算令人滿意，上菜速度算快。兩個人叫左以下食物：蟹籽燒賣皇（大點）：每隻燒賣有兩隻大蝦仁，搭瘦肉，唔肥膩瑤柱鮮蝦豆苗餃（大點）：一籠三隻，皮薄餡多，好飽滿，入面的菜好爽口煎芋絲糕（中點）：夠厚身，粉唔多，啖啖都食到芋絲，非常香。無over-fry, 唔熱氣煎蝦米腸（大點）：幾大份，蝦米多D會更好千層馬拉糕（中點）：中間個層係奶黃，甜度適中呢度嘅茶係用茶包沖的，不過茶包裡面係原片茶葉，兩大包一壺，沖幾次都仲有茶味。埋單總共$192，雖然好食，但飲茶嚟講，真係偏貴咯。