Video
Read full review
2020-11-07
54 views
今次我想介紹下食廣東嘅特產「燒鵝」我平時去深水埗次次都係食燒鵝大王，因為食燒鵝諗唔到可以食邊間，但朋友介紹我話深水埗呢間《棋子燒鵝》都好好食，所以我就黎試下先。💟燒鵝髀飯 $108其實叫返佢普通燒鵝飯只係$53，但我要試就試佢最好嘅野先知正唔正。一上檯隻鵝髀好大隻，好肥好粗壯🤤🤤🤤 同埋食到佢嘅燒鵝皮有好香好香嘅荔枝柴味，皮又脆，同埋我食嘅係鵝髀，勁滑，好多油份好Juicy, 食完都好有罪惡感🤣🤣🤣🤣真係好食過燒鵝大王😱 睇黎會變我嘅新飯堂🥰💟燒腩仔+叉燒飯 $53我叫左半肥瘦叉燒，佢一定係誤會左，舊叉燒真係好肥😂😂😂 半肥瘦應該係肥瘦夾雜架嘛，但佢嘅半肥瘦又真係半舊肥半舊瘦，又吹佢唔漲，但太肥我食唔到，瘦果邊都OK, 正正常常咁，無太大驚喜；燒腩仔就皮脆肉滑，咬落唔乾，唔會太咸，但略嫌份量唔夠多，我想好多好大舊先滿足，最好大舊到好似人地斬燒肉咁大舊😂😂😂📍棋子燒鵝📍地址 - 深水埗長沙灣道233-239號惠康大廈地舖
我平時去深水埗次次都係食燒鵝大王，因為食燒鵝諗唔到可以食邊間，但朋友介紹我話深水埗呢間《棋子燒鵝》都好好食，所以我就黎試下先。
💟燒鵝髀飯 $108
其實叫返佢普通燒鵝飯只係$53，但我要試就試佢最好嘅野先知正唔正。
一上檯隻鵝髀好大隻，好肥好粗壯🤤🤤🤤 同埋食到佢嘅燒鵝皮有好香好香嘅荔枝柴味，皮又脆，同埋我食嘅係鵝髀，勁滑，好多油份好Juicy, 食完都好有罪惡感🤣🤣🤣🤣
真係好食過燒鵝大王😱 睇黎會變我嘅新飯堂🥰
💟燒腩仔+叉燒飯 $53
我叫左半肥瘦叉燒，佢一定係誤會左，舊叉燒真係好肥😂😂😂 半肥瘦應該係肥瘦夾雜架嘛，但佢嘅半肥瘦又真係半舊肥半舊瘦，又吹佢唔漲，但太肥我食唔到，瘦果邊都OK, 正正常常咁，無太大驚喜；
燒腩仔就皮脆肉滑，咬落唔乾，唔會太咸，但略嫌份量唔夠多，我想好多好大舊先滿足，最好大舊到好似人地斬燒肉咁大舊😂😂😂
📍棋子燒鵝📍
地址 - 深水埗長沙灣道233-239號惠康大廈地舖
Post
