Video
Read full review
2018-01-31
832 views
尖沙咀食肆雖然多，但一到左午餐放飯時間，出名少少既餐廳門口都排曬長龍。想食既餐廳都打曬蛇餅，咁我唯有另覓地點解決午餐啦！盲中中咁行到哩條街，街上面有好多間米線、茶餐廳同粥粉麵鋪頭，選擇困難症既我真係揀唔落手，咁啱見到深仔記既裝修好似比較是正，又唔太多人，就入左去啦每次係哩啲傳統粉麵店，我嗌親既都係雲吞麵，今次本身想叫炸醬麵，但考慮左分半鐘，都係覺得雲吞麵健康啲同食得出高下啲，就order左招牌鮮蝦雲吞麵啦！真係唔係講笑，落左單無耐，我電話啱啱開左鎖，老伙計就將一碗雲吞麵放係我面前，真係快到我覺得佢係整好左咁＞＜anyway都係食野最實際！就咁睇賣相，其實無咩特別。不過值得一提既係佢既鮮蝦雲吞有成五粒咁多，其他鋪頭可能得四粒；同埋雲吞仲大大粒，絕無欺場既然講開鮮蝦雲吞，咁就講左佢既味道同口感先啦！本身對佢係零期望，只係想食飽個肚，然後一咬落去個雲吞到，不得了！好彈牙再食多啖，口感依然，望真啲，原來入面既餡料唔係肥豬肉為主，有兩至三隻完整既蝦仁，蝦仁有彈性，唔似雪藏既，好鬼正，完全out of expectation除左用料大方之外，值得一讚既係佢既肥豬肉比例超少，誇張啲講係9:1 1係肥
想食既餐廳都打曬蛇餅，咁我唯有另覓地點解決午餐啦！
盲中中咁行到哩條街，街上面有好多間米線、茶餐廳同粥粉麵鋪頭，選擇困難症既我真係揀唔落手，咁啱見到深仔記既裝修好似比較是正，又唔太多人，就入左去啦
每次係哩啲傳統粉麵店，我嗌親既都係雲吞麵，今次本身想叫炸醬麵，但考慮左分半鐘，都係覺得雲吞麵健康啲同食得出高下啲，就order左招牌鮮蝦雲吞麵啦！
真係唔係講笑，落左單無耐，我電話啱啱開左鎖，老伙計就將一碗雲吞麵放係我面前，真係快到我覺得佢係整好左咁＞＜
anyway都係食野最實際！
招牌鮮蝦雲吞麵
$32
68 views
0 likes
0 comments
就咁睇賣相，其實無咩特別。
不過值得一提既係佢既鮮蝦雲吞有成五粒咁多，其他鋪頭可能得四粒；同埋雲吞仲大大粒，絕無欺場
既然講開鮮蝦雲吞，咁就講左佢既味道同口感先啦！
本身對佢係零期望，只係想食飽個肚，然後一咬落去個雲吞到，不得了！好彈牙
再食多啖，口感依然，望真啲，原來入面既餡料唔係肥豬肉為主，有兩至三隻完整既蝦仁，蝦仁有彈性，唔似雪藏既，好鬼正，
完全out of expectation除左用料大方之外，值得一讚既係佢既肥豬肉比例超少，誇張啲講係9:1 1係肥豬肉既份量
對於驚外食會肥既我黎講，絕對加左好多分！健康得黎又好好味，雲吞爽口彈牙又唔罪惡
好啦！講下個麵底先。
揀左幼麵，食落都係彈牙既，唔會overcook煮到淋曬，同埋都無咩鹼水味，啱曬中意有咬口既我。
如果可以將團麵分細啲，無咁長就更加方便進食啦！
份量唔算多，幾啖就無左啦！可能我餓掛～
而湯底既部份，其實張相都可以見到個湯底飄住好多油，對我黎講係哩碗麵既扣分位。
啲油係麻油味，我覺得佢係整好左碗麵之後再加上去既，雖然會多左麻油既香味，但唔好重口味既我就唔太buy啦！好似畫蛇添足咁，如果下次再食，我一定會叫走油！！
總體黎講，靈魂係鮮蝦雲吞，餡料大方彈牙，無得彈
如果麵底份量可以多啲，走埋油，成件事就好perfect啦！事關我食完好似無食過野咁
同埋佢既定價都算進取，我係灣仔都食過鮮蝦雲吞麵，質素都唔差，但只索價＄19，遠比哩到既性價比來得高！
順帶一提，佢係裝修都幾有味道，傳統老店既感覺但加上新淨既裝修，都唔差嫁
Post
