Video
Read full review
2023-05-16
232 views
📍阿爸鮮食（上環）「如果，命運能選擇。」「十字街口你我踏出的每步更瀟灑。」估唔到今日食嘅呢間舖頭竟然中曬呢兩句歌詞！🤣🤣位於上環孖沙街同埋文咸東街十字路口嘅呢間小店，招牌大大隻字，離遠就見到。不過車流都多，大家過馬路就要小心了。🌟今次既自選火鍋杯，由湯底、面底到餸菜都可以自己揀，就好似命運咁樣由自己掌握。值得一提係，面底已經有好多選擇，比較少見嘅有南瓜面，大家有興趣不妨一試（我自己揀左白飯……因為想食飯……）。而自己搵野食既朋友，亦可以自己一鍋咁外賣拎走慢慢嘆，暖笠笠咁唔會提升「國際孤獨等級」！🤣🌟講明火鍋杯，當然揀自己鐘意食既😆。今次就有肥牛、炸魚皮、陳皮魚蛋、薯仔片。先講湯底，今次嘅蕃茄豬骨湯底酸甜適中，亦唔會太濃，開胃又夠爽！材料方面，質素相當不錯，特別係外賣拎走後，食用既時候都保持到爽口、彈牙，唔會浸到冇曬味道！😋🌟另外亦試咗涼拌涼皮🤤熱熱地真係想食凍食，餐廳嘅涼皮好得意，係半圓型咁，十分趣緻🤩食落口感更煙靭！而涼拌仲要配埋餐廳秘製醬汁，但唔食辣嘅朋友仔就要諗清楚再決定落幾多汁了🤣事關老闆話秘製醬汁唔會好辣，所以我就成盒倒曬落去！😂最後…就係覺得好辣🤣但辣得來又好惹味！好正😋仲
「如果，命運能選擇。」
「十字街口你我踏出的每步更瀟灑。」
估唔到今日食嘅呢間舖頭竟然中曬呢兩句歌詞！🤣🤣
位於上環孖沙街同埋文咸東街十字路口嘅呢間小店，招牌大大隻字，離遠就見到。不過車流都多，大家過馬路就要小心了。
🌟
今次既自選火鍋杯，由湯底、面底到餸菜都可以自己揀，就好似命運咁樣由自己掌握。值得一提係，面底已經有好多選擇，比較少見嘅有南瓜面，大家有興趣不妨一試（我自己揀左白飯……因為想食飯……）。而自己搵野食既朋友，亦可以自己一鍋咁外賣拎走慢慢嘆，暖笠笠咁唔會提升「國際孤獨等級」！🤣
🌟
講明火鍋杯，當然揀自己鐘意食既😆。今次就有肥牛、炸魚皮、陳皮魚蛋、薯仔片。先講湯底，今次嘅蕃茄豬骨湯底酸甜適中，亦唔會太濃，開胃又夠爽！材料方面，質素相當不錯，特別係外賣拎走後，食用既時候都保持到爽口、彈牙，唔會浸到冇曬味道！😋
🌟
另外亦試咗涼拌涼皮🤤熱熱地真係想食凍食，餐廳嘅涼皮好得意，係半圓型咁，十分趣緻🤩食落口感更煙靭！而涼拌仲要配埋餐廳秘製醬汁，但唔食辣嘅朋友仔就要諗清楚再決定落幾多汁了🤣事關老闆話秘製醬汁唔會好辣，所以我就成盒倒曬落去！😂最後…就係覺得好辣🤣但辣得來又好惹味！好正😋仲試左芋泥貢丸，幾特別，鍾意食芋頭嘅一定要試🥹好食！
🌟
而飲品亦都特別有五種嘅茶俾大家揀，適合飲凍奶茶凍檸茶已經厭倦晒嘅朋友。今次揀「黑杞明目飲」同「香橙去斑飲」，飲落足料而淡香，唔驚太濃太重味！😛
🌟
總括而言，難得外賣既食物過左段時間都保持到咁既水準，真係驚喜！更值得一提係外賣既盒同包裝都好有心思，一定唔會漏，魚皮亦有獨立包裝，小事可見店舖既心思！🥹🥹
10 views
0 likes
0 comments
7 views
0 likes
0 comments
10 views
0 likes
0 comments
11 views
0 likes
0 comments
5 views
0 likes
0 comments
13 views
0 likes
0 comments
9 views
0 likes
0 comments
Post
