昇平粉麵餐廳

Open Now

Now Closed

今日天氣涼咗想食啲湯粉，成個龍門居同富健剩返呢一間麵檔有開，城仔記一早收鋪。岩岩叫咗碗牛腩牛肺河粉，牛腩同牛肺數量都各有約五件，賣相同份量幾好。牛腩同河粉正正常常，但係牛肺就咬極都咬唔爛，質感好似香口膠一樣，最後我夾晒出嚟擺喺枱冇食到。埋單嗰陣，我一路喺銀包拎錢一路對收錢阿姐講「唔好意思多口講聲，啲牛肺好似香口膠咁」，不過我真係O晒嘴，因為佢竟然一句都冇回應，一個「哦」字都無。唔講唔知仲以為我自己講緊英文佢聽唔明，服務態度「良好」👍🏻BTW可能佢儘管見到我夾晒啲肺出黎係枱都覺得我出聲係想R折頭掛～見佢咁好服務，我都冇出聲，找完錢就行走，心諗唔會有下次。相我就冇影，但如果大家出門好奇心用四五十蚊試下香口膠牛肺，人一世物一世可以一試。