江浙滬 (堪富利士道) (Closed)

今日用OpenRice點外賣自取，依照飯店提供的時間到達，可惜飯店內的姐姐話差一樣未齊，要我再等一等。再等10分鐘，姐姐打電話入廚房，兩隻素菜包蒸好未，答案未得。其實飯店內只得姐姐一個服務員，雖然午飯時間人流唔多，當時3枱客，每枱3、4個人，但見佢行出行入，又要到水吧遞飲品，又要入廚房遞食物都好忙，我都未有催佢。好啦，再等多10分鐘，姐姐忍不住走入廚房問兩隻蒸包得未，終於幾分鐘有了，姐姐盡快幫我包好外賣。當我離開飯店時，其實一直在大門口等外賣，等外賣呢段時間二十幾分鐘，已經聽到廚房入面阿叔只不停大聲傾計，唔知有乜咁好傾，傾到店內及外賣的食客都要等咁耐。再講返飯店的食物，當日點咗雞火炒飯、揚州炒飯、上海炒年跟素菜包，炒飯味道係不錯，米飯粒粒分明，不會油膩，而且味道剛好唔會過喊。上海炒年糕，年糕很煙韌，醬汁剛好。