Video
Read full review
2013-04-02
109 views
無論係四季嗰間定帝苑嗰間，我都讚到不得之了，我諗呢間應該唔會同"稻菊"差好遠...點知，真係差好好好好好好遠！因為復活節嘅關係，所以冇任何discount，set lunch大約$350一人，唔算平，不過因為假期預咗。我哋兩個人order咗兩個天婦羅set，set包括咗沙律，刺身，天婦羅，雜菜蝦餅飯，甜品。另外再散叫其他嘢，不過，我最愛嘅赤貝刺身--->冇哂，咁order另一樣最想食嘅蟶子鐵板燒--->都冇，我已經冇心機落第三次order，是旦叫咗兩個好common嘅帆立貝同牡丹蝦刺身算數！落咗order唔夠5分鐘就開始上菜，好快手。。。可惜快過頭！首先上沙律，普通生菜蕃茄撈麻醬，輸極有限。 轉頭上埋個set嘅刺身，兩件三文魚，兩件油甘魚，一條吞拿魚...都冇乜特別！我諗唔夠3分鐘，我嗰5件刺身都未食哂，另外order嘅刺身都未嚟就已經上天婦羅... 中規中矩，個炸醬都做得好簿。本身跟一條沙錐魚...不過我唔食，叫佢轉咗D南瓜，蕃薯俾我！D天婦羅放低冇耐，就嚟埋個帆立貝同牡丹蝦刺身。 個刺身都present得幾靚嘅，但唔夠鮮甜。隻牡丹蝦成隻上，食起上嚟有啲論盡，終於要叫
落咗order唔夠5分鐘就開始上菜，好快手。。。可惜快過頭！首先上沙律，普通生菜蕃茄撈麻醬，輸極有限。
轉頭上埋個set嘅刺身，兩件三文魚，兩件油甘魚，一條吞拿魚...都冇乜特別！我諗唔夠3分鐘，我嗰5件刺身都未食哂，另外order嘅刺身都未嚟就已經上天婦羅...
中規中矩，個炸醬都做得好簿。本身跟一條沙錐魚...不過我唔食，叫佢轉咗D南瓜，蕃薯俾我！D天婦羅放低冇耐，就嚟埋個帆立貝同牡丹蝦刺身。
個刺身都present得幾靚嘅，但唔夠鮮甜。隻牡丹蝦成隻上，食起上嚟有啲論盡，終於要叫waiter拎去幫我切開個頭！個帆立貝都好大隻，不過有陣雪味！
呢兩樣嘢都係散叫嘅，不過不失啦...呢個時候，我個刺身食咗一半，個天婦羅食到一半，個男仔上個麵鼓湯，跟住話"轉頭上埋個雜菜蝦餅飯"。首先，我之前D嘢都未食哂，洗唔洗上得咁急？第二，如果係想番第二轉枱所以上得急我都明白，但琴日個場唔full，有冇呢個必要咁趕？？？仲有，我因為想食哂生嘢先食熟嘢，所以個天婦羅其實都凍哂，而家我兩樣嘢都未食完你仲要上，會唔會有點兒那個？所以，我即刻stop咗佢，叫佢等我食到咁上下先再嚟！！！
呢個飯係成個餐最好味嗰樣...個雜菜餅好鬆脆，個汁都好味，甜甜哋～不過得兩三粒蝦肉！其實放假想慢慢哋，舒舒服服咁食個lunch啫...而家仲急趕過我平時要返工嗰陣！ 講真，呢餐兩個人食咗差唔多$1500，我就算去返四季食，都係咁上下價錢咋，但食物質素，環境同服務一定比"稻"好好多囉！
Other Info. :
3 hours free parking at Crown Hotel
(The above review is the personal opinion of a user which does not represent OpenRice's point of view.)
Post
