Video
Read full review
2018-08-02
547 views
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！呢排唔知乜事，明明話節食但又係咁食食唔停，無計啦，打邊爐真係好吸引，而今晚又係去邊爐食肆林立嘅荃灣大鴻輝，上18樓試試個雞煲火鍋！雞煲曾經都風靡一時，無他嘅，雞煲特別嘛，就連我d新加坡朋友黎親香港都叫我帶佢地去食雞煲！當日係平日夜晚九點幾食特價個輪，唔洗點排隊就上到去，如果食早段嘅朋友要有心理準備排起碼5分鐘lift先上到去！由於係心血來潮想食所以無book檯，上到去拎飛仔，等左15分鐘左右就入得！牆上有收費指引，十分清晰，價錢同一般差唔多！餐廳佔地幾大，樓面設計適宜，用紅色櫈做主調，幾搶眼醒神！坐低叫過雞煲後就出去巡視一下，每個區都分得幾好，一目了然好方便，衛生環境亦理想！等上雞煲期間亦發覺碗碟都印有餐廳logo，都幾特別，而個碗亦要讚一讚，就係讚佢夠
呢排唔知乜事，明明話節食但又係咁食食唔停，無計啦，打邊爐真係好吸引，而今晚又係去邊爐食肆林立嘅荃灣大鴻輝，上18樓試試個雞煲火鍋！雞煲曾經都風靡一時，無他嘅，雞煲特別嘛，就連我d新加坡朋友黎親香港都叫我帶佢地去食雞煲！
當日係平日夜晚九點幾食特價個輪，唔洗點排隊就上到去，如果食早段嘅朋友要有心理準備排起碼5分鐘lift先上到去！
由於係心血來潮想食所以無book檯，上到去拎飛仔，等左15分鐘左右就入得！
牆上有收費指引，十分清晰，價錢同一般差唔多！
餐廳佔地幾大，樓面設計適宜，用紅色櫈做主調，幾搶眼醒神！
坐低叫過雞煲後就出去巡視一下，每個區都分得幾好，一目了然好方便，衛生環境亦理想！
自助蔬菜區
22 views
0 likes
0 comments
等上雞煲期間亦發覺碗碟都印有餐廳logo，都幾特別，而個碗亦要讚一讚，就係讚佢夠大隻！咁就可以裝多d食物，食嘅時候又會方便好多！
雞煲黎啦！因為我個好有性格嘅女朋友唔食得辣所以叫左唔辣，呢個雞煲真係食過數一數二。
先講雞件，唔似之前食過嘅俾D雞頸雞腳你，好多都有肉，一定係冰鮮雞，但肉質嫩滑鮮甜無冰鮮味；
其次係個汁，同之前食嘅唔同，呢個汁惹味偏甜，無左個d好重味嘅調味，一口接一口！
唔知如果叫麻辣會唔會仲好味呢？
雞煲
35 views
0 likes
0 comments
生料都係個d啦，唯一吸引我嘅係個響鈴，之後再講！
由於食生料前已經食左兩轉菜，所以生料叫得三轉，百零蚊咋，唔洗去到咁盡啦！
牛肉同豬有兩款，第一輪叫左雪花肥牛同梅頭，兩樣都普通！
15 views
0 likes
0 comments
第二輪叫特級肥牛同腩片，個人覺得呢兩樣好食d，但都係一般貨色
20 views
0 likes
0 comments
然後就係重點推薦食物，響鈴！一般火鍋店通常都係俾係超市街巿買到個隻現成盒裝響鈴俾你，唯獨好耐之前去過小肥牛食過一次新鮮炸，自此不能忘懷，我見呢間食評有即炸所以先黎，上到檯就肯定係自家製，用手指測試溫度係唔熱嘅即係唔係即炸，唔緊要。放湯索哂d湯汁，再加上d炸油，真係好香好好食，如果係新鮮炸就真係不得了，番黎淨係食呢樣都值回票價！
響鈴
26 views
0 likes
0 comments
響鈴
29 views
0 likes
0 comments
海蝦又係啦，新鮮，前後十隻全部都無霉，不過略嫌唔夠蝦味，可能係普通貨色關係！
海蝦
21 views
0 likes
0 comments
打完邊爐又黎到雪糕環節，其實每次黎親荃灣打邊爐都會去松記買糖水番屋企食，所以火鍋店嘅雪糕唔會食好多，但係呢度嘅雪糕就真係好失敗，似食緊沙冰多過雪糕，我個整甜品好叻而又好有性格嘅女朋友話係因為唔夠奶！算數，慳番d位食松記！
雪糕
11 views
0 likes
0 comments
雪糕
11 views
0 likes
0 comments
總括而言，雞煲好食，生料一般，響鈴係亮點如果係即炸更佳，雪糕唔得，環境服務都好好！
Post
