Orange Elephant Thai Restaurant (博文街) (Moved) New Location

大角咀除咗大型商場，其實另一邊角祥街、博文街有好多小店，今日揀咗呢間喺轉角位嘅泰國菜試下。環境：整體闊落，梳化位有咕臣，幾好。服務：樓面同事即使好忙都有禮貌。食物：雞翼好入味，幾好食，可惜係預先炸定。炸蝦餅蝦膠好Q彈，可惜都係預先炸定。豬頸肉拼海南雞飯好好食，可惜豬頸肉係一早整定。如果所有食物都係即叫即整，一定更好味。不過相信呢個都係所有忙碌嘅餐廳遇到嘅問題。即叫即整怕客人要等得耐，又怕番唔切枱。整定對食物質素又有影響。