和聲滬軒

Open Now

Now Closed

閒日7點半約好同學去食,岩岩好淨返一張空檯就入左去食。酸辣湯:一睇就知好足料:竹筍、肉絲、冬菇、木耳等等都有齊,食落口啖啖都係料;酸同辣既比例亦都相若,口感方面偏向黏,但我覺得冇問題。醉雞:淡淡既酒香滲透係雞入面,加上夠凍,而且雞肉又新鮮,正!鮑魚菇:有鮑魚既質感,少少''un'',又不失菇類多汁既特質,加上爽口既西蘭花做配料,幾好食。饃包麻婆豆腐:豆腐又滑又軟,配合少少辣既肉碎同肉醬十分融和。遺憾饃既容量太少,包唔哂d料。瑤柱蛋白炒飯:蒜,蔥同瑤柱既味貫穿成個飯,鹹得黎有瓜,菜碎同蛋做調和,好好食!