Video
Read full review
2020-10-22
273 views
呢晚朋友又帶我去威，今次食咗位於澳門逸園中心九樓嘅「岩浪天扶良日本料理 」，餐廳位置十分方便，喺正崇光百貨隔離，地鐵站一出就係😁。依幢大廈出哂名多日本茶，但我唔知原來都有廚師發辦Omakase食。餐廳面積比想像中大，不過壽司吧枱位置唔多，要預早啲訂枱先有機會坐到。我哋獲安排坐近窗口位置🌃，景色就係軒尼詩道街景、望住希慎大廈。餐枱設定頗有氣派的，中間放有和紙花紋嘅布，食客面前就有一個金墊板。另外，餐廳預備咗一個✉️信封畀客人放口罩，相當細心。廚師發辦套餐有4️⃣四款揀，分別係$1,080嘅鑽天Diamond、$1,280嘅銀Silver、$1,380嘅金Gold同$1,580嘅鉑Platinum。個人認為幾款嘅分別唔係在於菜式嘅多少或者食材嘅價值，反而係取決於客人想食邊樣嘢多啲，例如鑽天主要係食天婦羅。我哋揀咗試，貪佢乜都有啲😜，包括前菜、冷物、刺身、湯、和食、天婦羅、壽司同甜品。首先出場嘅係三款前菜，由左至右、淡到濃食起。左邊係梅醬蒟蒻、九繒魚啫喱同酸汁水藻，三款味道同口感各有不同。第一款甜甜哋，蒟蒻爽口。第二款食落感覺似肴肉，但就係加咗九繒魚，味道鹹鹹的。最後一款係啫喱狀，入面加入咗爽口水
呢晚朋友又帶我去威，今次食咗位於澳門逸園中心九樓嘅「岩浪天扶良日本料理 」，餐廳位置十分方便，喺正崇光百貨隔離，地鐵站一出就係😁。
依幢大廈出哂名多日本茶，但我唔知原來都有廚師發辦Omakase食。餐廳面積比想像中大，不過壽司吧枱位置唔多，要預早啲訂枱先有機會坐到。我哋獲安排坐近窗口位置🌃，景色就係軒尼詩道街景、望住希慎大廈。
餐枱設定頗有氣派的，中間放有和紙花紋嘅布，食客面前就有一個金墊板。另外，餐廳預備咗一個✉️信封畀客人放口罩，相當細心。
廚師發辦套餐有4️⃣四款揀，分別係$1,080嘅鑽天Diamond、$1,280嘅銀Silver、$1,380嘅金Gold同$1,580嘅鉑Platinum。個人認為幾款嘅分別唔係在於菜式嘅多少或者食材嘅價值，反而係取決於客人想食邊樣嘢多啲，例如鑽天主要係食天婦羅。
我哋揀咗試[金会席Gold]，貪佢乜都有啲😜，包括前菜、冷物、刺身、湯、和食、天婦羅、壽司同甜品。
首先出場嘅係三款前菜，由左至右、淡到濃食起。左邊係梅醬蒟蒻、九繒魚啫喱同酸汁水藻，三款味道同口感各有不同。第一款甜甜哋，蒟蒻爽口。第二款食落感覺似肴肉，但就係加咗九繒魚，味道鹹鹹的。最後一款係啫喱狀，入面加入咗爽口水藻(店員話係津菜？)用匙羹食，酸味好出，所以好開胃😚。
冷物係三文魚子凍豆腐，醬汁係麻醬，整體清清地，準備味蕾食刺身、品嚐鮮味👅。
刺身系列先來兩片左口魚薄切，師傳刀功好好呢👍。魚肉晶瑩通透，配以酸汁一齊食好醒神，口感幾得意，滑得嚟又帶點咬口。
接著落嚟一次過上三款刺身，擺盤就如藝術品一樣，用上小紫花同瓜片作點綴，好靚💕。前至後三款包括超爽嘅赤貝、砌成花形嘅剝皮魚(內裡口感好Creamy)同埋厚切嘅平靜魚。
之後又點少得拖羅呢😏，魚身有稍為用醬油醃過，上面仲加咗啲山葵；個人覺得如果呢味以炙燒處理可能會更出色。
鱈魚白子
135 views
1 likes
0 comments
松茸鮑魚湯
25 views
0 likes
0 comments
大阪豆腐
19 views
0 likes
0 comments
天婦羅
23 views
0 likes
0 comments
最後🍣壽司部份有鯖魚同秋刀魚，兩款都係貫切靚靚嘅賣相。兩款魚肉魚味濃郁，分別採用芝麻同香草吊味，唯一爭少少就係壽司飯略為鬆散。
海膽貝柱撈飯為鹹食菜式作結😊，我想講海膽仲多過飯囉哈哈🍚。店員話海膽以外仲混入咗貝柱，但我就覺得似魷魚多啲？
甜品係金箔牛乳布甸🥛，鋪面仲有紅豆蓉，伴旁係梨同杮。甜品簡簡單單，食埋佢，晚餐就完滿了。
總括嚟講，依餐金会席廚師發辦真係好豐富，每道菜式嘅擺盤都相當有心思，就算未食你都已經會好欣賞。再者，餐廳唔會一次過出餐，咁食客就可以慢慢咁享受。全部食物都唔錯，但令我最印象深刻非天婦羅莫屬😝。最後，如果可以同師傅互動，相信體驗定必更佳！
Post
