水月 (Closed)

家姐過幾日返英國,媽媽話要食好d,話佢食過幾次,我地一定會鐘意。海膽吞拿魚腩米餅,非常鮮甜海膽,睇得又食得!鮑魚,好入味,個汁好味之餘又唔太濃,都幾大隻。大閘蟹南瓜蓉,個樣幾靚,我最鐘意佢啖啖肉,蟹肉好鮮味,蟹粉又好香!大閘蟹蟹肉豆羹,又係鮮甜蟹肉,可以再回味多次,完美!黑松露天使麵,另外加錢叫,媽咪話一定要再食!係冷麵黎,面頭d黑松露碎好香,麵夠滑。亞熱帶泡泡,好得意嘅味道!主菜北海道黑毛豬,忘記影相!牛扒羊架3款主菜都好味!豬係我最鐘意,惹味!羊就排第二,味道好特別,肉好嫩。牛扒好夠香味,牛味好重!甜品叫薑汁 奶, 中間果球意大利雪糕好滑好香!白色一塊塊果d係薑味脆蛋白片,雪糕上面有塊脆薑片,味道好突出,好味!全晚食得好開心,媽咪果然無介紹錯!唯獨係隔離枱有幾位客人係咁黑口黑面鬧d服務員,上左菜先話自己唔食得呢樣果樣,全間餐廳食客都俾你影響哂一時又鬧樽裝水點解要收錢,一時又鬧點解要俾切餅費,其實人地餐牌都寫明啦,d服務員食哂死貓真可憐。又唔知嘈住哂會影響其他人食飯