度小月 (時代廣場) (Moved) New Location

已經同媽咪去左好多次，見近排少左出文，所以就介紹下呢間成為我同媽咪的飯堂。呢到係銅鑼灣時代廣場地牢，好多化妝護膚品店個層的台灣餐廳——度小月。今次見到佢有個銅鑼灣店限定的山藥排骨湯⋯見$38就叫左一盅就試試。雖然D排骨無多到好似相咁多，不過我就比較鍾意佢湯水較多，因為有山藥及排骨，味道都幾甜。另外，排骨的肉質煲到好淋身好入味，如果大家黎到銅鑼灣店就不妨一試。另外，呢客紹興酒香雞煮得非常入味，咬落雞肉時，紹興酒的香就隨著雞肉滲出黎。另外值得一提係雞皮都唔係太厚，可以照食也～(笑)我們雖然叫左幾多餸，不過媽咪都係想食啖飯落肚暖下胃，所以我們就叫左碗祖傳肉燥飯。呢碗肉燥飯的份量剛剛好，就算食完整碗飯都可以食到其他小食/菜式。肉燥用了肥瘦混合的豬肉碎一齊煮，肉味及油香剛剛好！肉燥汁又夠拌飯，真係幾惹味。呢碟蒜泥鮮蚵係我的最愛！用了切片的小油炸鬼墊係底，再係上面放上嫩滑的豆腐及鮮味的蚵仔，加埋菜式的靈魂：蒜泥汁，係超～級～惹～味！吸了蒜泥汁油炸鬼，加上軟滑的豆腐及蚵仔，口感豐富，味覺又夠香。如果你都鍾意食蒜的話，一定唔可以錯過呢個蒜泥鮮蚵！三杯雞煲一上桌，職員就幫我們將雞再加以炒香。味道聞落真係