魔衣櫥咖啡廳 (Closed)

同家姐食飯，簡間法國菜西班牙鬆脆包配鵝肉醬：第一次鵝肉醬，口感原來係咁似吞拿魚架！法式多士好香脆，好夾呀！香煎吞拿魚伴西米脆片，仲配有三文魚籽，吞拿魚係廚師好細心地將角切吞拿魚四邊都輕輕煎一煎，配西米脆片再加小小三文魚籽好好食！馬賽海鮮湯：有三文魚、青口、蜆。好強烈既海鮮味呀！慢煮野生灰鯛魚：配上檸檬汁，魚質好滑超正！魚下面係藜麥，平時都係冷食，第一次配上熱食，覺得好夾好好味！慢煮法國黃雞胸：平時食雞胸好鞋身，但慢煮一啲都唔鞋，仲好嫩添！重點是醬汁！服務員介紹話個醬汁是用雞既唔同部分，煮左幾小時而成的！白酒忌廉汁藍青口意粉：淡淡既白酒味不嬲都係配青口最正架啦，好味！焙茶芝士餅：食到好飽以為食唔落甜品，點知呢個餅一啲都唔溜仲好好味！配上一隻蝴蝶🦋黑朱古力，食到成碟清曬！環境同餐具都好highclass，食物又有質素，很滿意