Video
Read full review
2011-02-22
18 views
11月26日, 同媽媽慶生, 一家5人book咗Times Square嘅Tony Roma, 已經係一個月內第二次光顧喇, 又有個生日優惠, 所以今次再食其他菜色~::: Bread with Garlic Butter麵包 :::一貫好味嘅麵包配上香草牛油, 好香好好味, 外脆內軟嘅麵包, 唯一美中不足嘅係凍咗d, 新鮮出爐一定會更好食~::: Onion Loaf (Half) 洋蔥圈 (半份) ::: $38招牌洋蔥圈半份已經夠晒我地5個人食, 夠晒香脆惹味, 再點埋千島醬汁味道更加突出! 洋蔥同炸粉比例良好, 唔會成口都係粉, 而且又食到好清新嘅洋蔥味~ 最好盡快襯熱食, 因為凍咗d油凝固咗會比較油膩~::: Sonoma Salad (Half) 索諾瑪沙律 (半份) ::: $62估唔到呢個沙律都幾好食~ 雖然係半份但沙律菜份量都唔少, 再加上青蘋果片, 核桃, 紅莓乾，仲有藍芝士粒添! 全部材料都夠新鮮~ 再撈埋紅酒醋味道酸酸甜甜咁, 好開胃! 而再讚嘅係嗰d炸雞柳, 肉地嫩滑又好香口~::: St. Louis-Style Ribs (Full) 聖路易式肋排 (全份
::: Bread with Garlic Butter麵包 :::
一貫好味嘅麵包配上香草牛油, 好香好好味, 外脆內軟嘅麵包, 唯一美中不足嘅係凍咗d, 新鮮出爐一定會更好食~
::: Onion Loaf (Half) 洋蔥圈 (半份) ::: $38
招牌洋蔥圈半份已經夠晒我地5個人食, 夠晒香脆惹味, 再點埋千島醬汁味道更加突出! 洋蔥同炸粉比例良好, 唔會成口都係粉, 而且又食到好清新嘅洋蔥味~ 最好盡快襯熱食, 因為凍咗d油凝固咗會比較油膩~
::: Sonoma Salad (Half) 索諾瑪沙律 (半份) ::: $62
估唔到呢個沙律都幾好食~ 雖然係半份但沙律菜份量都唔少, 再加上青蘋果片, 核桃, 紅莓乾，仲有藍芝士粒添! 全部材料都夠新鮮~ 再撈埋紅酒醋味道酸酸甜甜咁, 好開胃! 而再讚嘅係嗰d炸雞柳, 肉地嫩滑又好香口~
::: St. Louis-Style Ribs (Full) 聖路易式肋排 (全份) ::: $198
上次嚟冇叫到ribs, 今次人多兼優惠有主菜買一送一當然唔會放過呢個機會~ 味道我地揀咗Carolina Honeys, 份量真係好多呀, 有足10條肋骨! 有好濃烈嘅bbq味, 真係即烤出嚟架~ Carolina Honeys有d似叉燒醬, 燒出嚟嘅肋排面頭好香甜, 肉質都算幾厚, 不過因為肉太厚, 醬汁唔夠入味, 食到中間會有d淡… 配菜方面, 薯條剛剛炸起好香脆, 而椰菜沙律味道可以中和到ribs嘅濃味~
::: Steak Combo (Fried Shrimp) 牛扒組合 (香炸鮮蝦) ::: $198
呢個免費嘅主菜真係滿足晒我地嘅食肉慾! 食完ribs再食埋佢地嘅牛扒同鮮蝦~ 牛扒好厚, 但係一d都唔韌, 仲好有牛味~ 唔點佢嘅醬汁都已經好夠味~ 香炸鮮蝦份量唔多, 亦唔算大隻, 可幸肉質都夠鮮, 唔會有雪藏味同霉嘅肉地, 再點埋茄汁食味道都好夾~
::: Chicken Alfredo Florentine 白汁雞肉意大利幼麵 ::: $98
上次食完風味烤雞肉意大利幼麵有dd失望… 不過今次呢個意粉就啱晒我地口味~! 白汁濃郁creamy得嚟味道適中, 仲有少少蒜味配上煙煙韌韌嘅意粉好好味~ 雞肉都係預計中嘅雞胸肉, 不過都唔會好嚡, 可以接受~
美中不足係呢間TR有time limit, 只係俾我地食一個鐘左右就要交枱俾下一輪… 懶巴閉咁! 下次都係去番灣仔分店算~
Post
