新麻蒲 BBQ (波斯富街) (Closed)

每年媽媽生日都會請佢食好野，今次食韓式燒肉。兩個人叫左個 "烤肉達人套餐"，又有牛又有豬，可惜媽媽唔食牛，最後要我一個人食哂d牛。而有人係決定食殘廢餐，我就由頭燒到尾！好在有無限添加既泡菜同生菜解一解膩，因為其實食到中段，唔同款既肉食落都係差唔多，有d膩，個套餐仲有份豬皮，不過可能我唔太識燒，燒到好硬。但因為我本身食到好多肉，所以其實係個爐邊蛋最吸引我，因為個蛋好香，加埋泡菜碎，等佢煮到岩岩好熟既時候，食落口好滑。不過韓式烤肉始終都係有一樣野唔好，就係每次食完，成身都會好大陣味。