辣得喜米線專門店 (Moved) New Location

星期日難得喺天后收工，加上天氣得15度咁涼，特別想食熱辣辣嘅湯粉，所以去左Openrice同Google評分都唔差嘅粉麵店食晚餐。 秘製豬扒麻酸辣湯米線(中辣) $46叫左麻酸辣湯底，酸味夠而且好多酸菜、不過就無乜麻味、中辣亦唔算好辣；豬扒嘅色水正中下懷🙊，齋睇仲以為會好濃味，食落有媽媽FEEL，鹹甜適中；肉質鬆軟，而且幾大塊。碗麵幾特別，居然有脆口嘅豬油渣!!至於米線，個人比較中意彈牙嘅米線，呢度煮到淋得制😅。自己平時食開三哥酸辣5小辣，呢度嘅中辣好似比5小更輕手，酸味兩間都差唔多，至於湯底個底味，個人覺得呢間小店就比較清淡。