Video
Read full review
2017-05-18
201 views
江南庭敘，聽個名都夠好有詩意，同媽媽食母親節飯揀個肆正啲嘅地方係應該嘅，本來係朋友去過話覺得幾好，雖然價錢係貴啲，但冇乜幾可啦，而且去到見到裝修服務食物都超高質素，完全覺得係值回票價的！去到門口時，已經有職員出來熱情咁招呼，同佢講話book咗位食乜嘢，佢就馬上為我帶位入內，笑容可恭， 十分專業！裏面見到裝修唔係傳統酒樓那種豪華瑰麗，但係覺得幾雅致高尚，而且卡位好大，我哋坐得好舒服。剛坐下，叫個湯底先，媽鍾意沙嗲湯底，但佢又想就小朋友、怕沙嗲太辣，其實好易解決啫，叫鴛鴦湯底咪得囉，而且後來食落，我覺得個喎沙嗲湯底都幾正架，惹味得來又唔會太辣太刺激，而且帶少少甜，我同媽媽都覺得好好味。同媽媽食飯，叫啲海鮮比佢食先，南非鮑魚，上碟之前俾我哋睇一睇，大大隻，切片上，幾爽口。賴尿蝦，因為新鮮，食落都幾爽口，又夠大隻，啖啖肉咁，用清湯嗰邊煮更加顯出佢啲鮮甜。牛白肉，上碟時見到，一片片白色咁樣，有少少擔心係咪全部脂肪會唔會好肥，食落去係幾香溜，但係又唔係話淋bet bet 咁樣嘅，我會覺得好似係平時食肥牛嗰片白色野。肉眼筋，聽個名幾特別，所以試一試，原來肉眼筋係豬排連着的，簿簿地的一塊白色筋膜，想不
江南庭敘，聽個名都夠好有詩意，同媽媽食母親節飯揀個肆正啲嘅地方係應該嘅，本來係朋友去過話覺得幾好，雖然價錢係貴啲，但冇乜幾可啦，而且去到見到裝修服務食物都超高質素，完全覺得係值回票價的！
去到門口時，已經有職員出來熱情咁招呼，同佢講話book咗位食乜嘢，佢就馬上為我帶位入內，笑容可恭， 十分專業！裏面見到裝修唔係傳統酒樓那種豪華瑰麗，但係覺得幾雅致高尚，而且卡位好大，我哋坐得好舒服。
剛坐下，叫個湯底先，媽鍾意沙嗲湯底，但佢又想就小朋友、怕沙嗲太辣，其實好易解決啫，叫鴛鴦湯底咪得囉，
而且後來食落，我覺得個喎沙嗲湯底都幾正架，惹味得來又唔會太辣太刺激，而且帶少少甜，我同媽媽都覺得好好味。
同媽媽食飯，叫啲海鮮比佢食先，南非鮑魚，上碟之前俾我哋睇一睇，大大隻，切片上，幾爽口。
賴尿蝦，因為新鮮，食落都幾爽口，又夠大隻，啖啖肉咁，用清湯嗰邊煮更加顯出佢啲鮮甜。
牛白肉，上碟時見到，一片片白色咁樣，有少少擔心係咪全部脂肪會唔會好肥，食落去係幾香溜，但係又唔係話淋bet bet 咁樣嘅，我會覺得好似係平時食肥牛嗰片白色野。
肉眼筋，聽個名幾特別，所以試一試，原來肉眼筋係豬排連着的，簿簿地的一塊白色筋膜，想不到咁好味喎，連媽媽都唔聲唔聲一舊又一舊咁食，肉眼根的質地幾淋軟，𡁻落又帶少少煙韌，少少爽口，你仲口感好新鮮，能夠在淋軟同爽口之間有一個完美嘅中間位，可以同時享受兩種口感，值得一試。
野菜籃，呢個可以話真係超值之選，本來我哋好鍾意食菜，但係又諗緊食邊款菜，經理推介不如叫個野菜籃啦乜都有啲，當時冇問幾多錢，攞單時見到先知只不過係＄88 ,又有生菜，又有油麥菜、金菇、白菜仔、冬菇，單單係冬菇都有成四隻咁多，淨係呢點都抵返晒啦，而且其他菜份量都不少，啲菜好新鮮，好爽甜，食落嗦嗦聲！
食下菜又食下肉，試咗佢個羊肉片，好大碟，幾香羊肉味又唔太羶！
響鈴係會經廚房師傅烘熱先上，可以就咁食當零食，亦都可以放落湯度煮一煮即刻食。
食到咁上下，係時候要加點粉絲，由於湯汁已經加入了多種火鍋配料煮過，更加惹味，加入了晶瑩的粉絲，粉絲能夠無限包容，吸入了的勁多湯汁，加上粉絲本身幾彈牙，十分之可口。
食得七七八八，又意猶未盡，叫多個招牌四寶丸，又係另外一個超值之選，本來以為佢最多咪八粒，（有四款每款兩粒），原來係有成十二粒，即係每款有三粒，而且放得十分之整齊，四款唔同顏色放埋一起，望落去都覺得好靚，
分別係，鯪魚丸、蝦丸，墨魚丸，牛丸，而且真係款款都好好味！蝦丸十分之先鮮，墨魚丸好彈牙，牛丸個口感好firm我好鍾意，鯪魚就好夠魚味！整體感覺很不錯，尤其仔好頑皮又嘈，佢哋完全不介意仲主動聊佢玩，服務真係滿分！全程問下媽覺得點，啱唔啱食，佢向來內歛，冇講咩表達但見佢密密食即係佢都覺得好味。
Post
