老虎堂黑糖專売 (Closed)

朝早11點幾經過路徳圍附近 醒起老虎堂最近係荃灣開左 之前係台灣飲過 覺得真係唔錯 於是就去朝聖一下啦🏃🏻‍♀️去到見到好多人等拎 但又冇人排隊買咼 就即刻去買 點知原來買野飲都要等 佢話避免積太多單 所以會hold一hold買飛先 但其實都好快 佢大概一分鐘搞掂兩杯咁 咁我就飲最招牌既波霸厚鮮奶 排隊等買 到我拎到杯野大概用左十幾分鐘💁🏻‍♀️賣相其實同台灣差不多 飲之前同樣要搖勻 香港既飲落我就覺得淡啲 雖然係厚奶 但奶味都唔算好多 黑糖味都可以再重啲 整體黎講正常吧 但如果要排好耐隊就不了🙈