滿樂潮州 (美麗華廣場1期) (Closed)

已經有一段時間冇去飲茶，今日就約咗朋友去美麗華滿樂潮州試潮式茶點。我哋今次點咗百樂鮮蝦餃、鮮蝦滑腸粉、蜜汁叉燒包同埋薑蔥鵝肉撈麵。蝦餃超大粒飽滿，而個皮又薄，蝦嘅鮮味十足。鮮蝦腸粉嘅腸粉就好嫩滑，點買秘製醬油食絕對一流。叉燒包就有好香濃嘅蜜汁叉燒響入面，而且熱辣辣個包又鬆軟。而最值得一提係薑蔥鵝肉麵，鵝肉超大塊而且唔肥，鵝味十足，加埋薑蔥、白醋撈麵，每一啖都有唔同嘅口感，最後要提既係個潮州茶，好有茶味我好鍾意。