Video
Read full review
2017-11-27
102 views
今晚突然又口痕想食拉麵，Or左陣搵到呢間以達摩做吉祥物既拉麵，見幾得意，價錢又合理就黎試下店舖地方大，裝潢舒服整潔，空間感足夠，比起台風/彩舒服好多。餐廳都保留日本既文化，有置物籃俾客人擺袋同一般拉麵店一樣，拉麵都可以選擇硬度、湯底濃度、同配料多少，但建議可以增加拉麵份量既選項，無論大食細食既客人都滿足到餐牌有多種拉麵同小食選擇，眼闊肚窄既我地幾經辛苦終於揀左兩個拉麵、一份小食同兩個野飲。我揀既係北海道3.6牛乳拉麵，湯底以3.6牛乳加豬骨湯熬製而成，滑順既奶味同豬骨湯既鮮甜配合得天衣無縫，入口濃郁香醇除左半隻糖心蛋、叉燒、紫菜、荀外，拉麵仲有加入蟹子同黑松露，提升左湯底既鮮味。我揀既係豚肩叉燒，叉燒肥瘦均勻，厚薄適中，口感唔肥膩亦有咬口，女士們可以選擇呢款。另外拉麵選擇左偏硬既粗曲麵，感覺近似搏多拉麵既口感。麵質雖然未至於非常彈牙，但吸收左濃厚既湯汁後仍然頗有彈性，有日本一風堂既水準大人揀既係墨魚汁粗曲拉麵配豚肩叉燒。食麵之前飲左頭啖湯，加左墨魚汁後湯底鮮美濃厚，飲落去好舒服。本來以為蒜蓉會蓋過墨魚湯汁本身既鮮味，但完全無。麵條方面，大人同我一樣選擇左粗曲麵，佢話比一般傳統拉麵掛到更
Or左陣搵到呢間以達摩做吉祥物既拉麵，
見幾得意，價錢又合理就黎試下
店舖地方大，裝潢舒服整潔，空間感足夠，
比起台風/彩舒服好多。
餐廳都保留日本既文化，
有置物籃俾客人擺袋
同一般拉麵店一樣，
拉麵都可以選擇硬度、湯底濃度、同配料多少，
但建議可以增加拉麵份量既選項，
無論大食細食既客人都滿足到
餐牌有多種拉麵同小食選擇，
眼闊肚窄既我地幾經辛苦終於揀左兩個拉麵、一份小食同兩個野飲。
北海道3.6牛乳拉麵
$83
23 views
0 likes
0 comments
我揀既係北海道3.6牛乳拉麵，
湯底以3.6牛乳加豬骨湯熬製而成，
滑順既奶味同豬骨湯既鮮甜配合得天衣無縫，入口濃郁香醇
除左半隻糖心蛋、叉燒、紫菜、荀外，
拉麵仲有加入蟹子同黑松露，
提升左湯底既鮮味。
我揀既係豚肩叉燒，
叉燒肥瘦均勻，厚薄適中，
口感唔肥膩亦有咬口，女士們可以選擇呢款。
另外拉麵選擇左偏硬既粗曲麵，
感覺近似搏多拉麵既口感。
麵質雖然未至於非常彈牙，
但吸收左濃厚既湯汁後仍然頗有彈性，
有日本一風堂既水準
墨魚汁拉麵
$72
18 views
0 likes
0 comments
大人揀既係墨魚汁粗曲拉麵配豚肩叉燒。
食麵之前飲左頭啖湯，加左墨魚汁後湯底鮮美濃厚，飲落去好舒服。
本來以為蒜蓉會蓋過墨魚湯汁本身既鮮味，但完全無。
麵條方面，大人同我一樣選擇左粗曲麵，
佢話比一般傳統拉麵掛到更多湯汁，有驚喜喎。
豚肩叉燒厚薄度做得岩岩好，事關切得太厚會只有表面沾到湯汁，入面會無咩味，切得太薄又會無晒口感。
沖繩墨汁餃子
$32
14 views
0 likes
0 comments
沖繩墨汁餃子，$32有6隻，價錢幾抵食。
沖繩墨汁餃子
$32
13 views
0 likes
0 comments
皮薄、餡料比例佔多，但偏油膩，
上碟時碟上同餃子表面都幾多油，
而且表皮煎得唔夠香脆，肉餡食唔出墨魚鮮味，
整體有待改善。
落單時職員好nice咁同我地介紹返左幾款新梳打，
我地揀左麝香蜜瓜梳打。
麝香蜜瓜梳打
$20
6 views
0 likes
0 comments
麝香味就唔多覺，反而蜜瓜味超重！
抵讚既係雪得好夠凍好夠氣，
所以男仔飲都唔會覺得太甜
主食加小食加野飲人均$115左右，同其他日本野一樣唔收加一，
呢個質素呢個價錢喺香港真心抵食
Post
