第二家 (Closed)

其實嚟得呢類地方，都唔應該對食物有所要求，但求唔好食完即場獲利回吐就算。最主要，大家都係想搵個地方舒舒服服坐吓，唔使同人逼。呢度有晒以上特色。食物，真係唔好提，又貴又難食，整個三文治烘底都可以整到又淋又靭。飲品就冇乜特別，都係同一般樓上cafe嗰啲咁難飲。服務…唔知點評，因為感受唔到有。打工打得好晦氣，見到佢哋真係好似返咗屋企咁。環境就唔錯，夠晒闊落。不過近窗門位會好好多。梳化殘舊污糟，感覺唔好。要坐得舒服，都要地方乾淨吖。不過同我一生人中去過最差嘅皆屋都仲有段好遠距離。呢度搵唔到皆屋咋，如果唔係我可以詳盡寫返嗰度個環境係點。