Season Plus (Closed)

因為政府新的防疫需要，今日可能係今個月最後一次堂食晚餐，所以特別來呢間新開嘅餐廳食飯，貪佢附近環境比較清休，坐耐啲傾吓計都唔擔心。餐廳暫時未有酒牌，如果飲酒可以特價點生蠔，所以今日暫時唔食生蠔住，佢哋晚市冇套餐供應，全部都係單點形式。款式都幾多元化，如果有埋甜品選擇就更加好啦。牛油蒜香蜆肉意粉，蒜蓉牛油味道甚濃，意粉全部沾上蒜蓉牛油汁，好香滑。全碟有10隻蜆，每隻都好大隻，新鮮又鮮甜，高水準。日本一口和牛粒，佢哋好似用炭火燒嘅形式烹調，冇落濃味嘅調味料，少少鹽加黑椒，可以純粹食牛肉嘅鮮味及牛味，因為係和牛，所以油脂及肉分布均勻，有口感。牛油蒜蓉焗虎蝦，$78元有5隻大虎蝦，都算抵食，蒜蓉走過油，再加上虎蝦一齊焗，令蝦肉更有鮮味，蝦肉結實彈牙。秘製醬汁焗豬肋骨，醬汁有啲似日本燒肉汁，但係更濃，豬肋骨肉地淋，醃得好入味，份量可能有¾ rack ，兩個人差啲食唔晒。