Cafe Prince Royal (Closed)

前排同朋友想搵間靜靜地既cafe坐下傾下計，於是係太子發現到呢間幾正既cafe！我地入座個陣都未算有好多人，環境清靜，坐落幾舒服。因為太肚餓，我地叫佐3個意粉：卡邦尼意粉、黑松露野菌意粉、同埋煙三文魚茄汁意粉。當中大推卡邦尼意粉同黑松露野菌意粉！前者好香芝士味同食落好creamy；後者就好濃黑松露味，中意黑松露必點😋另外想讚一讚佢個三文魚牛油果牛角酥！估唔到熱辣辣既牛角酥配上凍既煙三文魚同牛油果都咁夾！野飲方面好推介雲尼拿牛奶，好香又唔會太甜。