孖寶 (Closed)

現在嘅上水非常繁榮，每日男男女女一家大細，拖住大大小小嘅行李喼，在唔同既藥房、百貨、超市入貨，執貨，週圍都非常熱鬧，大小食肆常常爆滿，要搵食都好困難。星期六日比平日更多人多喼，我都會向比較少人嘅核心外圍轉。去到新成路有幾間新開嘅小店，就揀咗呢間孖寶。店內裝修清新簡潔，坐位有廿幾個位，店員都殷勤招呼我地在寬敞嘅位置，仲細心介紹餐牌嘅菜式。我地梗係叫佢地嘅招牌菜式，美國穀飼豬肉眼，紐西蘭肉眼啦先來餐湯，意式雜菜湯：好濃嘅蕃茄湯底，加上香草同大量蔬菜，酸酸地好開胃👍，麵包有好多露絲瑪利，質地唔算軟，但都好食。主菜我要豬肉眼，豬扒好大份同埋厚切，好多肉汁，一啲都唔嚡，好有肉味，面頭煎到香脆，連埋少少肥一齊食，👍👍👍！其實出面好少可以做到厚切又唔鞋底，師傅選材好更有好功夫👍👍，仲有待應小姐會主動問要唔要芥茉，夠細心。另一份叫咗牛扒，朋友唔係咁鍾意太生有血嗰種，所以叫咗7成熟。紐西蘭牛你唔會預有好多肉味，但今日呢件都叫幾好牛肉味，叫7成但做咗差不多係well done，但係肉質仲好嫩，無渣有肉汁！都係嗰句：師傅揀得好👍跟餐個薯條，炸得外脆內軟👍👍最後叫咗杯檸檬雜果花茶作完結，係檸檬草加雜果乾浸泡，