渝味曉宇重慶老火鍋 (聚賢逸居) (Closed)

好難得西環開左間出名既重慶火鍋，晚晚都好多人幫襯，所以就好奇咁去試下。見晚餐火鍋好多人試過又寫過食評，我就去試下佢既午餐麵線套餐，睇下同火鍋相比會係點。午餐時段好少人，都係得一兩枱人，都係附近返工既人。環境好舒適，服務都唔錯。午市套餐有幾款麵線可以選擇，咁我就選擇左大路啲既牛腩麵線。個套餐有三碟小菜送。賣相好似日本拉麵咁，食落去既個種辣比較似擔擔麵個隻既辣味同麻香既味道。牛腩就不過不失，唔特別。整體感覺都好似食緊擔擔麵咁。食完之後有糖水飲紅枣雪耳。味道唔錯。整體而言，午市套餐一般，而且價錢要$68以上，試過一次之後唔會試第二次。