熊野日本料理 (Closed)

今晚大圍收工，約埋朋友食生日飯，其實大圍真係好多野食，比起沙田的千篇一律真係精采好多，今晚就係朋友介紹下食左呢間日本野。睇下個MENU，最吸引到我既係佢個熊野二人前，有野菜沙律、日替前菜、蜆味噌湯，三點刺身、燒鯖魚、吉列廣島蠔、安格斯牛肉稻亭同埋雪榚。先黎個蜆味噌湯，佢最特別之處係除左濃郁既湯底之外，仲有兩大隻蜆係入面，大大隻之餘，仲係好鮮味的! 再黎個三點刺身，食得出係好新鮮既，而且仲相當厚切，而且個刺身蝦仲係好大隻!仲要讚下個吉列廣島蠔，因為係出面食得多，吉列廣島蠔並唔係咁易整的，因為出面食果D成日都係好厚炸粉，食落去好似食炸粉多過食隻蠔。但呢度既吉列廣島蠔真係一流，入面隻蠔好大隻，食落仲係有蠔汁係入面。地點一流，會再黎。