Alternative Cafe

Open Now

Now Closed

返工對得繁華鬧市多，有時都需要唞一唞氣。晏晝搞晒啲私人事務，出咗去佐敦突破書廊，享受心靈片刻嘅安靜。突然間覺得有啲頸渴，發現角落處有咖啡室，陳列嘅蛋糕又幾吸引，最終點咗個茶餐一嚐。朱古力咖啡芝士蛋糕，主要材料配搭得合宜，口感香濃層次亦分明，加上製作時落咗冧酒，食落唔會太甜或過膩。飲品方面選擇算頗多，食家對檸茶情有獨鍾，當然唔會揀其他嘢啦......服務生待客極之友善，堂食使用不銹鋼飲管，減低咗對環境嘅污染，呢樣我實在非常欣賞。下次如果有時間再嚟，定必試吓啲招牌咖啡。