Olive Cafe (新領域廣場) (Closed)

收工同同事想慰勞下自己，想搵間高質素又方便的西餐，記得荃灣天橋下有間自成一角的餐廳，環境感覺都幾好feel,就決定去試下。olive cafe 位於新領域廣場，餐廳環境寧靜舒適，燈光裝飾浪漫，好啱情侶談心或者同朋友黎飲酒吹水！餐包微溫的餐包配上醬汁，淡淡的香草味令人胃口大開。餐湯是日餐湯係洋蔥煙肉薯仔忌廉湯，湯入面有好多細細粒的洋蔥煙肉碎，😍令成個湯升左一個層次！平時飲西湯好怕太鹹，但olive 個做得剛剛好，味道湯濃郁creamy,又唔會過鹹👍🏻晚上套餐有好多選擇，包湯同飲品。我點左「香烤原條新鮮鱸魚配慢煮茴香」，鱸魚好大條好有驚喜，成條魚好惹味，魚肉幾嫩滑同埋肉身好結實，唔會因為烤滾而散開，好有口感👍🏻「德國蜜糖芥末烤鹹豬手」同事叫左的豬手皮層脆卜卜，烤到金黃焦脆，但一啲都唔油膩。切開的肉質脂香肉嫩，鹹度剛好，做到外脆內軟。淡淡的醬料甜味配上表層的焦脆，好有咬口且味道恰到好處，唔會過甜過鹹！熱鮮果茶我同同事都分別叫左同一款飲品，皆因olive 的熱鮮果茶真係好好飲！之前有同事都介紹過，果然冇令我失望！餐廳好細心，鮮果茶有好多切碎左的生果，配上蠟燭微微保溫。茶香味濃厚，果香感覺滋潤。