Romanne Leisure Food Concept (砵蘭街) (Closed)

餐廳以黃光和木系裝修為主，座位尚算寬敞，適合傾下計聚會。紫菜風炸薯條配黑松露沙律醬 $68薯條香噴噴，每條都沾滿紫菜碎炸到脹卜卜，仲有茄汁同黑松露沙律醬，個人覺得黑松露沙律醬較滋味。韓式瘋蜜炸雞翼 $78雞翼共5隻，熱辣辣新鮮炸起，重點係個韓式辣汁，蘸少少已經好夠味，辣得過癮。東方蝦湯脆乾蔥鮮蝦意大利飯 $118有5隻蝦肉，肉質爽口，味道不錯，唯份量不多，二人分享每人只得幾啖。混醬芝麻慢燒豬仔骨 198Ribs份量不少共5支骨，肉質不算淋身，個人覺得蘸埋芝麻混醬較美味，有點像腸粉果種醬汁。另伴菜有不少薯條及沙律菜。