人和月雞煲火鍋店 (Closed)

最近天氣又無啦啦轉涼，真係忍唔住要打邊爐呢間人和月都係睇網上推薦先黎試試店鋪面積唔大，但麻雀雖小五臟俱全，基本上大型連鎖店有嘅，呢度都有：醬料區、自助區、甜品區、飲品櫃嘅冷泡茶等我地就食SRF黑毛和牛大滿貫，呢個價錢包頭盤一定唔少得我地揀嘅係韓式芝士雞，佢味道唔同坊間一般嘅芝士雞煲，佢有韓式甜醬嘅味道，仲有韓式年糕，酸甜之中食得出拉絲芝士嘅奶香味食完頭盤就換煲打邊爐，我地揀嘅係藥膳牛奶湯底，藥材味道好足，湯底味道帶鹹打邊爐依然有頭盤，分別係靚牛同埋海鮮牛肉方面，強烈推薦雪花肥牛，牛味最重，仲要口感特別有嚼頭，重點係任點，我幾滿意。海鮮拼盤都夠新鮮，d蝦上枱嗰陣仲跳緊舞咁，食落好彈牙。甜品除咗自助區嘅仙草芋圓之外，仲有送嘅一客雪米磁，加買朱古力醬同埋花生粒食，別有一番風味總結：食物及格，雪花肥牛好推薦，服務員服務好周到，會主動幫我地加湯收拾同埋介紹食物，非常滿意。