Video
Read full review
2016-11-25
1232 views
見到咁多人排隊，諗住應該唔會太差，點知最後都係中伏。首先，幫我地落單的女待應全程黑口黑面，個樣好似得罪她咁，問她野又勁無禮貌。事緣係我見到餐廳枱面有個宣傳牌推介俾錢做會員可以食飯有9折，咁我就問她有無得即時join，她就悔悔氣咁講“要上網至可以join，優惠唔俾即時用”，個樣極鄙視。之後點餐，態度一樣衰，餐廳加錢可以叫雪糕及餐湯，咁我就問她雪糕有乜味可以選擇，她就好悔氣咁答“得朱古力味，無得俾你選味”，這個時候我心諗既然得朱古力味，咁又何來有得選味呢。之後問她有乜餐湯，又係同樣悔氣地講“得洋蔥湯一種”，其實未開飯已經唔開胃，如果唔係因為請朋友食飯唔想掃興，一定即走。點知正餐來到情況更差。先講個餐湯，個洋蔥湯又稀又無味，覺得好似係洋蔥溝水一樣咁淡。之後來的安格斯牛排仲差，雖然寫明係8安士，但我覺得只係厚過大家樂早餐塊牛排少少。更過份的係我要求5成熟，出到來竟然係全熟，攪到塊排勁靭，最後要換。唯一可取的係換完之後塊排比之前那塊好得多。不過，就算換左我都覺得這塊安格斯完全唔值這個價。我朋友就點左羊架同另一款牛排(忘記了名字)，朋友食完全部都覺得味道很一般。最後埋單每人要$260，我同朋友食完
首先，幫我地落單的女待應全程黑口黑面，個樣好似得罪她咁，問她野又勁無禮貌。
事緣係我見到餐廳枱面有個宣傳牌推介俾錢做會員可以食飯有9折，咁我就問她有無得即時join，她就悔悔氣咁講“要上網至可以join，優惠唔俾即時用”，個樣極鄙視。之後點餐，態度一樣衰，餐廳加錢可以叫雪糕及餐湯，咁我就問她雪糕有乜味可以選擇，她就好悔氣咁答“得朱古力味，無得俾你選味”，這個時候我心諗既然得朱古力味，咁又何來有得選味呢。之後問她有乜餐湯，又係同樣悔氣地講“得洋蔥湯一種”，其實未開飯已經唔開胃，如果唔係因為請朋友食飯唔想掃興，一定即走。
點知正餐來到情況更差。先講個餐湯，個洋蔥湯又稀又無味，覺得好似係洋蔥溝水一樣咁淡。之後來的安格斯牛排仲差，雖然寫明係8安士，但我覺得只係厚過大家樂早餐塊牛排少少。更過份的係我要求5成熟，出到來竟然係全熟，攪到塊排勁靭，最後要換。唯一可取的係換完之後塊排比之前那塊好得多。不過，就算換左我都覺得這塊安格斯完全唔值這個價。
我朋友就點左羊架同另一款牛排(忘記了名字)，朋友食完全部都覺得味道很一般。最後埋單每人要$260，我同朋友食完都覺得完全唔值，講明下次一定一定唔會再幫襯這間餐廳。
Post