品川日本料理 (Closed)

慶祝母親節飯，一家8口一早訂位，都要係門口等30分鐘先可以入座，眼見啲人嘈兩句就俾佢入座先，攪到我家人都忍唔住要出聲，點知真係一嘈就放你入座，依啲服務態度真係唔平凡。入到去即刻用手機點餐，但眼見已經有三成都已售馨，跟著都要等起碼15分鐘先有第一道刺身到位，漏單情況真係嚴重到估唔到，起碼5成都無到，品質就真係完全...中間有好長時間都無野食，全家人一齊等左好耐，最尾要靠自助吧嘅麥樂雞同炸薯格填肚。真係食咁多次放題都未遇過。唯一可取嘅係雪糕，應該係香港品牌，都有4種味道揀，味道都唔錯。飲品嘅款式都算多，依兩樣都係自助嘅，自給自足。依間日式放題但試過一次就真係唔會有下次，咁嘅價錢咁嘅食物品質，想食嘅嘢一係無得叫一係漏單，大家真係要諗清楚先幫襯。