孖啡 (Closed)

可以無限時坐低食嘢飲嘢係吸引咗我哋過嚟嘅原因，而且朋友之前訂座仲有得送小食今次係六件咖喱角，味道正常冇乜特別。因為聖誕節嘅關係聖誕餐牌比平時餐牌係貴20至$30，其實嘢食都係一樣。個包比我心目中好食，而且仲有沙律同薯條份量都唔少，朋友嘅蜆肉意粉都幾香。飲品叫咗冇加錢嘅綠茶味道正常，不過加咗$28嘅芝士蛋糕就勁失望，好彩只係嗌咗一個，唔好食之餘冇芝士味，感覺上好似放題放咗三個鐘頭喺度吹雪櫃咁當初仲諗住好食嘅話就叫多個。每人大約$170價錢都算正常，因為可以坐到兩個半鐘。