無肉食 (德興街) (Closed)

訂好枱去到竟然要坐門口最後嗰張枱，咁問收錢嗰位有冇另一個位置，佢同我哋講一眼睇晒，跟住就開始玩手機唔理我哋。我哋揾咗一張長枱中間有位咁自動波咁去轉枱，中間完全冇人理！經常有蚊仔喺枱面飛嚟飛去，有隻蚊仔直頭飛咗入去隔離女仕碗食物入面。中間有個小朋友將支鐵夾跌咗落地下發出一聲巨響，收錢嗰位玩電話男都有望住因爲我就坐咗喺佢同個小朋友嘅後面，望得好清楚，嗰個小朋友嘅爸爸將支鐵夾放喺枱面就算，玩電話男冇理，最後有個工作人員將支鐵夾喺枱面插番入啲食物入面而冇拎去換 ～ 就算放喺枱面都經巳唔乾淨，後來有位男士叫番個玩電話男將支鐵夾拎走，不過當時就係有位女士夾緊嘢，成支夾插嚟插去佢哋都冇拎走嗰份食物.....枱面癲立立，要自助抺.....雖然呢間食物種類多，不過味道都係一樣！要自己收拾餐具不過佢冇同我哋講解！厠所地下好多水，重有食物碎！食過唔止一間，呢間最差！