鈴 · 鮨刃 (Closed)

老公生日，帶佢食佢最愛既日本野，當然唔少得廚師發板啦。一上到去環境非常優美舒適。壽星公揀左個有刺身既set ,我就揀咗個15件壽司嘅set。有好精緻嘅前菜，之後一個茶碗蒸。主菜就係睇住師傅親手握嘅壽司，最難忘嘅係醬油赤身， 北海道元貝，赤蝦同埋海膽壽司。每一款壽司都好新鮮，會試到唔同魚嘅質地同埋味道，而且入口即溶充滿油香，樣貌精緻，每一件都係藝術品。最後有一個湯同埋一個甜品。服務亦都一流。師傅會同我哋一邊傾偈一邊介紹食物，成個過程都享受。老公好滿意，我哋都好開心。