順．和の味 (Closed)

星期五的晚上，同朋友去到中上環高質日本菜，就算暫時無得去日本旅行，味道都有如親歷其境。前菜首先有鮮蝦沙津同雞白湯，前者用上大隻兼肉身結實的大蝦，以及新鮮的沙津菜，非常開胃； 而雞白湯用足真材實料烹煮，但絕不肥，係中式湯品絕不可以比擬的地方。接著仲有多款即叫即燒的串燒，包括露荀、牛肋骨、雞肉丸串燒，其中雞肉丸串燒最為特別，先將醬汁同雞蛋混合，然後再點上雞丸串燒之上，美味程度加倍！而燒露荀亦深得我歡心，輕輕一燒亦保留到爽脆的口感，值得一讚。全晚最期待鰻魚土鍋飯，係土鍋之中放入整條鰻魚，而白飯亦帶有燒鰻魚的香味同醬汁，兼且仲有原味同茶漬兩種食法，真係同日本完全無分別！