Video
Read full review
2015-02-04
892 views
自從APM下層裝修成靚靚一田之後，偶然路經此店已經躍躍欲試 ，奈何次次都食飽飽至入嚟行 。就响今日我終於搵到機會嚟到以身試店，首先望到雪櫃右邊呢堆特價品。作為一個專業識食好眼力 嘅為食之士，我斷唔會畀區區平果十蚊八蚊嘅價錢引誘到去買呢啲從表面色澤同濕潤度就睇得出佢擺耐咗嘅臨打烊促銷貨。 再望吓左邊雪櫃，嗯呢啲就似樣嘞！嗱嗱林全部影低哂呢啲「御飯」配料畀各位巴打絲打得以按圖索驥搵食先！查實店名個「丼」字就話過你聽，人家係賣飯嘅，咁就梗係吃飯穩陣啦！ 十蚊就係少飯，十五蚊就係多飯，然後好簡單要乜料寫份數。 Topping（無料）就係免費嘅。 填好哂就行去門面左邊八達通機交紙仔，「嘟一聲」 畀埋錢。畀完錢摞收據，收據唔洗畀店員，企埋去等店員為你炮制，大概等兩分鐘左右就搞掂。 三文魚子－鹹鮮兼備，可惜顆粒唔係圓潤飽滿一咬爆漿，而係每多凹陷唔得脹爆結實。可以唔叫。明太子－有亮點！ 從未食過咁新鮮嘅明太子！ 撈飯食仲正！ 但係鹹味甚重，建議點一份就夠皮。三文魚腩－口感豐腴、爽彈味鮮，經舌頭按摩之後油脂均勻散佈口腔，正到痺！ 鱆紅魚－呢個略為普通，雖爽口而味寡，建議店家轉
自從APM下層裝修成靚靚一田之後，偶然路經此店已經躍躍欲試 ，奈何次次都食飽飽至入嚟行 。
就响今日我終於搵到機會嚟到以身試店，首先望到雪櫃右邊呢堆特價品。作為一個專業識食好眼力 嘅為食之士，我斷唔會畀區區平果十蚊八蚊嘅價錢引誘到去買呢啲從表面色澤同濕潤度就睇得出佢擺耐咗嘅臨打烊促銷貨。
御飯
232 views
5 likes
0 comments
查實店名個「丼」字就話過你聽，人家係賣飯嘅，咁就梗係吃飯穩陣啦！ 十蚊就係少飯，十五蚊就係多飯，然後好簡單要乜料寫份數。 Topping（無料）就係免費嘅。
填好哂就行去門面左邊八達通機交紙仔，「嘟一聲」 畀埋錢。
畀完錢摞收據，收據唔洗畀店員，企埋去等店員為你炮制，大概等兩分鐘左右就搞掂。
小盛飯
$100
153 views
2 likes
0 comments
明太子－有亮點！ 從未食過咁新鮮嘅明太子！ 撈飯食仲正！ 但係鹹味甚重，建議點一份就夠皮。
三文魚腩－口感豐腴、爽彈味鮮，經舌頭按摩之後油脂均勻散佈口腔，正到痺！
鱆紅魚－呢個略為普通，雖爽口而味寡，建議店家轉賣油甘魚或劍魚腩代之。
赤貝－再嚟亮點！ 未食過咁鮮甜赤貝！之前買過外賣速遞、食過N間乜物壽司都總係有啲「腥亨亨」，呢度完全冇腥味！
醋飯－同體溫相近嘅溫度，飯粒分明，好食！
芥辣－食慣日本嘢嘅都知道呢種小包芥辣勁過成樽水溝粉任你勺果隻芥辣十倍以上，超過癮！
醬油－鹹左啲。
Other Info. :
一碗飯配兩包芥辣＋兩包醬油，每樣落一包已經好夠，千祈唔好一次過落哂，記得逐少咁落試味後加減。如果唔係就會鹹到飛起、辣到跳舞。
(The above review is the personal opinion of a user which does not represent OpenRice's point of view.)
Post
